Heziketa Pedagogikoa

NORMALIZAZIO-PRINTZIPIOA (ondorioa)

2009-01-09T15:09:00.000-08:00

Beraz, nahiz eta aurrerapen handiak eman diren azken urteotan, oraindik egiteko asko dago hausnarketan zehar horrenbeste aipatutako normalizazio eta berdintasun hori lortzeko, baina nik uste dut jende guztia, edo zati handi bat behintzat, kontzientziatzen bada, urte batzuen buruan atzeratuak gizarteko partaide “normaltzat” hartuko ditugula.

NORMALIZAZIO-PRINTZIPIOA (eskema)

2009-01-08T16:16:00.000-08:00

 DIskriminazioa = Marjinazioa
 XIX.mendean atzeratuak = gaixo mentalak
• XIX.mendearen erdian desberdindu eta medikoki sendatzen saiatu.
• Egoitzetan 1000 atzeratu batera.
• Nazismoak hilketa agindu.
 XX.mendean jarrera babeslea gaizkileak zirelakoan.
 Berdintasunaren alde. Atzeratuak besteak bezalakoak. Beraien gaixotasunak garatu ditzakete.
 Atzeratuak gure herriko osagai.
 Normalizazio printzipioa: A.U.P herritarren eskubide eta betebeharrak.
 Baldintza normalak:
• Bizitokia
• Lana/ Hezkuntza
• Aisialdia
 Normaltasuna
• Hezkuntza eskubidea
• Tratamendu berezia izateko eskubidea
• Jarduerak bereizi: eskolan / lanean, etxean / aisialdian
- Integrazioa: normalizazioa dakarren metodoa / bidea da.

NORMALIZAZIO-PRINTZIPIOA II

2009-01-07T18:12:00.000-08:00

Argi dago gaur egungo egoera duela hainbat urteetako egoeraren oso ezberdina dela. Baina nik hiru esparru aipatuko nituzke eman den aurrerapen horren adierazgarri:
Lehenik eta behin, pertsona atzeratuen Bizi Baldintzak aipatuko ditut. Bizi-baldintzei dagokionez, esan daiteke lehen, egoitzak egiten zituztela, pertsona hauek bertan ezkutatzeko, hauei bizi baldintza hobeak emateko beharrean, gizartearengandik urrun egon zitezen. Baina orain, lehen ez bezala, egoitzak ere badaude, baina gaur egun egoitza hauetan pertsona hauek ezinhobeto zaintzen dituzte, beraien bizi baldintzak hobetuz eta gizarteko beraien integrazioan lagunduz. Gainera, gaur egun pertsona atzeratuen bizi baldintzetan pentsatuz instalazio bereziak jarri dituzte hainbat tokitan: “rampa”-k. komunetan…
Bestalde, Lan baldintzei erreparatuz gero, aipatzekoa da urritasunak dituzten pertsonei, ahalik eta garapen handiena lor dezaten, lanaren bidez gizarteratzeko bidean jarraitzeko aukera ematen zaiela: orientazioa eta prestakuntza emanez, enplegu arrunten bidez… Guk irakasle izango garen aldetik, prestakuntza horiek eman beharko dizkiegu pertsona atzeratuei garapen hori lor dezaten. Gainera, hezkuntza giza-eskubidea da, hau da, haur guztiek hezkuntza jasotzeko eskubidea izan behar dute eta ez dugu inor baztertu behar soilik atzeratua delako.
Orain, lanbide asko daude adimen urritasuna duten pertsonei zuzenduak, konturatu garelako beraiek ere gizartean integratzeko, parte hartzeko eta aldi berean pertsona moduan garatzeko aukera dutela. Izan ere, guk gizarteko partaidetzat hartzen baditugu, beraien garapena areagotuz joango da. Egia esan, denak desberdinak gara, lehenago esan bezala, hau da, guztion adimen maila desberdina da, baina denok nahi dugu gizartean integratuak sentitzea, honetan parte hartzea, bertan aktibo eta eragile sentituz eta baita baloratuak sentitzea ere.
Azkenik, Aisialdiari dagokionez, hiru esparruetatik gutxien garatua dagoen esparrua dela esan daiteke. Hala ere, geroz eta ekintza gehiago antolatzen dira pertsona atzeratuen baldintzetara egokituak. Adibidez, nire herrian ekintzak prestatzen direnean, askotan, pertsona adituak egoten dira ekintza hauetan parte hartzen pertsona atzeratuen beharrak asetzeko(umeei zuzendutako ekintzetan batez ere). Hala ere, askotan pertsona hauentzat soilik diren ekintzak ere prestatzen dira eta nire ustetan hori ez da oso egokia, lehen esan bezala zeharka bada ere pertsona hauen marjinazioa bultzatzen da; eta normalizazio eza aldi berean.

NORMALIZAZIO-PRINTZIPIOA

2009-01-05T16:06:00.000-08:00

nire ustetan gai honi buruzko hiyz egitea komenigarria da. Izan ere, ondoren aipatuko ditudan egiaztapenei jendeak ez die garrantzi handirik ematen eta horregatik dago gure gaur egungo gizartea dagoen moduan.
Hasteko, aipagarria iruditzen zait, pertsona atzeratu hauen egoera gizartean asko aldatu dela azken urteotan. Hala ere, oraindik ez dugu lortu pertsona hauek gizartean normaltzat hartzea. Izan ere, garai batean, urritasuna zuten pertsonak ez ziren gizarteko partaidetzat hartzen, marjinatu egiten ziren eta noiz edo noiz hauek ezkutatu ere. Garai haietan, pertsona hauetaz lotsatu egiten ziren senideak eta senideak ez ziren haiek mespretxatu egiten zituzten.
Hala ere, zorionez, egoera hau aldatzea lortu dugu. Gaur egun, ideologia ezberdinak dauden arren, pertsona hauek onartuagoak daude gure gizarte honetan, onartuago eta integratuago. Integratuago esaten dudanean, behintzat gizarteko partaidetzat hartzen direla esan nahi dut. Dena den, nahiz eta integraturik egon, oraindik ez ditugu normaltzat hartzen. Eta ni naiz normaltzat hartzen ez dituen lehenengoa. Azken finean, guztiok hori ikasi dugu, ezberdina dena anormaltzat hartzen, hori baita, bai gizarteak eta baita gure hezitzaileek irakatsi digutena, zuzenean edo zeharka bada ere. Baina hori da jende askori gustatu litzaigukeena, pertsona atzeratuak gure artean beste bat gehiago izatea.
Pertsona guztien arteko berdintasuna da azkenean helburua eta denok dakigun moduan jende mordo bat ari da gaur egun helburu hori lortzeko lanean, pertsona guztiak ezberdinak garen moduan pertsona atzeratuak ere ezberdinak direla soilik. Baina nahiz eta jende asko ari den gaur eguneko egoera aldatu nahian, beraiek asko izan arren, beraiez gain gizarteko beste guztiak ere mentalizatu behar gara zein den gaur egungo egoera eta hori aldatu beharra dagoela. Guztiok mentalizatzen garenean, orduan lortuko dugu pertsona hauek gizartean integratzea.

Gizarteko gainontzeko partaideak konturatu behar gara, guztiok garela ezberdinak eta beraiek urritasuna izatea ez dela beste munduko ezer, soilik gauza batzuetan guk baino zailtasun gehiago dituztela eta laguntza behar dutela, baian bestela berdinak gara. Beraiek ere sentimenduak dituzte guk bezala eta hau jende askori ahazten zaion aspektu bat dugu. Gainera, pertsona hauek ondo tratatuz gero, beraiek ezinhobeto tratatzen zaituzte, oso maitagarriak baitira. Hala ere, jendeak ez du maitagarritasun hori apreziatzen eta askotan mespretxatu ere egiten du jendeak, beraienganako “nazka” sentitzen dutelako edota beldurra dietelako. Hau oso penagarria iruditzen zait, nazka zergatik?ba al daukate guk ez daukagun zerbait?, baina penagarria den arren jende askok ditu sentimendu hauek beraienganako nahiz eta askok baita, gizartean onartzen dituzten. Hala ere, nahigabe edo nahita, pertsona atzeratu hauek askotan marjinatuta egon ohi dira. Marjinatze hau, eskoletan eman da urte askotan, baina zorionez gaur egun ez da horren nabaria.

HEZKUNTZA (ONDORIOA)

2009-01-03T16:54:00.000-08:00

Beraz, esan beharra dago Ingalaterrako Tokiko Hezkuntza Agintaritzaren erakunde honek zeregin garrantzitsua duela bertako ikastetxeetan, nahiz eta nazio mailan ez izan eta eremu txikiago batean la egiten duen.

Guzti hpnetatik ondoriozta dezaket, ikasle guztiek berdin tratatuak edo hezituak izateko eskubidea dutela eta berdin dela zailtasunak edo ezaugarri desberdinak badituzte.

HEZKUNTZA (eskema)

2009-01-03T16:03:00.000-08:00

HEZKUNTZAN GUZTIONTZAKO SISTEMAK GARATZEA

 Hezkuntza barne hartzailea
• Guztiontzako hezkuntzan, hezkuntza barne-hartzaileak funtsezko faktorea
• Ikasle bereziek sistema tradizionalean
• egokitzeko berrikuntza gehigarriak
• helburua: ikasle guztien beharren arabera berregituratzea
• Ikasle guztientzako onuragarria
*metodologia aldatuz
*antolakuntza aldatuz

 Hezkuntza sistemen bilakaera
• Gobernutik inklusioa, tokiko hezkuntza agintaritzen bitartez
• Eskolak hobetzeko desafioa egin eta zailtasunak dituztenei babesa eskaini
• Ikastetxeei ardura handiagoa emanez
• 4 euskarri:
 THAren eskusartzea ikastetxearen arrakastaren alderantzizkoa
 Finantziazio justua
 Hezkuntza garatzeko plana: helburuak => programa => antolamendua
 Ebaluatzeko modua zehaztu (prozesua kudeatzeko)
• Ikastetxe mailaz igotzeko => eskola fundazioak => matrikula irekiak

 Lankidetza ikerketa: ikastetxeetako zuzendariekin lankidetza
• Gogoeta kritikoa
• Hezkuntza ikerketa pertsonengana iristeko

 Paradigma berriak ikastetxeak arrakastarekin itsututa daude, zenbait ikasleen porrotaren truke
• INTERDEPENDENTZIA
 Eragileekin lan egin: guraso, ONG, bertako komunitateak...

 Autoanalisiaren esparrurantz
• Definizioa
• Gidaritza
• Jarrerak
• Politikak, plangintza eta prozesuak
• Egiturak,egitekoa eta ardurak
• Finantziazioa
• Babesa eta erronkak
• Aniztasunari erantzuna
• Adituak eskura egotea
• Lankidetzak
• Datu-bilketa
• Garapen eta prestakuntza pertsonala

 Inklusioa: 4 elementu funtsezko
• Prozesu bat da
• Oztopoak identifikatu eta ezabatu
• Ikasleen asistentzia, partaidetza eta errendimendua
• Arreta berezia errendimendu baxuko gazteak baztertzeko

 Datuak beharrezkoak ebaluatzeko => aztertu => hobetzeko
• Bildu eta erabakitzeko modua
• Aldaketa palanka gisa datu onak => etekina

THA : Tokiko Hezkuntza Agintaritza

2009-01-02T16:46:00.000-08:00

Aipaturiko erakunde hau gure gizarterako eta eskoletako hezkuntzarako oso egokia delakoan nago; izan ere, bat nator honek dauzkan bi helburuekin. Alde batetik, Eskola-mailaren hobekuntza dago helburu hauen artean eta honekin bat nator, ezinbestekoa deritzodalako eskola-maila lantzea. Bestetik, Inklusioaren sustapena daukagu; honekin ere guztiz ados nagoela esan beharra daukat eta gainera zeresana ematen du helburu honek. Nik pertsonalki, helburu honekin aniztasuna lotzen dut, hau da, nire ustez inklusioaren sustapena, pertsona ezberdinak toki berean eta modu berean hezitzea izango litzateke. Izan ere, guztiok gara ezberdinak, bakoitza bere ezaugarriak dituelarik, baina horregatik ez dugu heziketa ezberdina jaso behar.

Horrela bada, THAen egitekoa ez da eskolak kontrolatzea, eskolei hobe daitezen desafio egitea eta eskola-maila hobetzeko zaitasunak dituzten haiei babesa eskaintzea baizik. Hala ere, eskola asko bikaintasuna bilatzen dute eta hori dela eta, ikastetxeek mailaz igotzeko beraien artean lehiatzen dute. Artikuluan esaten da, ikastetxeak mailaz igotzeko lehiakortasun hau funteszkoa dela, baina ni ez nator bat horrekin. Izan ere, zer lortzen da ikastetxeen arteko lehiakortasunarekin? Nire ustetan, ikastetxeen arteko harremanetan giro eskasa egotea lortzen da, askotan ikastetxe horietako ikasleen artean ere tira-birak sortuz. Azken finean, ikastetxeetako zuzendari eta langileen portaera imitatuko dute ikasleek eta hauen eredua jarraituko dute.

Honez gain, ikastetxe eta THA askok eskola-emaitzak hobetzeko edo hauek hoberenak izateko izugarrizko presioa jasaten dutela aipatzen da artikulu honetan. Honi buruz dudan iritzia guztiz negatiboa dela esan beharra dut. Izan ere, ikastetxeak presio hori jasaten badu, irakasleak ere presio hori jasaten dute ondorioz, zenbait adin txikiko eta gazte talde bazterkerian zokoraturik amaitzera helduz. Honekin adierazi nahi dudana zera da: irakasle batek bere klaseko media igotzeko presio handia badu, bere ikasleak presionatuko ditu, baina ez guztiak, nota onak atera ohi dituztenak edota nota onak ateratzeko gai direnak soilik; ikasketetan zailtasunak dituzten ikasleak baztertu egingo ditu, hauei ez erreparatuz eta ondorioz, ikasle hauen emaitzak, lehengoak baino txarragoak lortuz eta hauen motibazioa zeharo gutxituz.

Bukatzeko, ikastetxeek THAekiko izan dezakeen independentzia ere aipagarria da. Hau da, ikastetxeak THAek gomendatutako bidea jarraitu dezakete edota beraien helburu propioak izanik beste bide batetik jo dezakete. Askotan, THAek emandako pautak ondo etor dakizkie ikastetxe askori, baina ikastetxeak beraien helburu propioak izatea ere ezinbestekoa dela deritzot. Ikastetxe bakoitzak “bere nortasun propio” bat izan behar duela esango nuke.

HEZKUNTZA GUZTIONTZAKO SISTEMAK GARATZEA II

2008-12-30T15:41:00.000-08:00

Lankidetza ere aipagarria da.Elkar ezagutzen ez duten edo inoiz elkarrekin lan egin ez duten irakasleek eskola berean elkarlanean aritzea izango litzateke. Honi esker, irakasleek gauza edo esperientzia berriak aportatuko dituzte ikastetxe ezberdinetan eta baita elkarlanean arituko diren irakasleei ere. Nire ustez, lankidetza mota hau oso egokia da ikastetxearen funtzionamendurako eta ikasleen motibaziorako. Izan ere, ikasleak ez ohikoak diren egoerekin eta berriak diren irakasteko moduekin, motibatuta senti daitezke.
Inklusioaren sustapenari dagokionez, nire ustez, pertsona ezberdinak toki berean eta modu berean hezitzea da. Azken finean, guztiok gara desberdinak bakoitzak bere ezaugarriak dituelarik. Nire aburuz, irakasleak ikasleei ideia hau transmititzea ezinbestekoa da. Beraz, irakasleak ikasleen arteko desberdintasunak nabarmentzen baditu, azkenean ikasleek ere desberdintasun horiek erabiliko dituzte baztertzea edo liderazgoa eraginez. Guzti honen ondorioz, eskolaren maila jaistera iritsiko ginateke: baztertzeak ikasleak desmotibatu egingo ditu, desmotibazio horrek ikasle horren etekin akademikoa ere jaitsi egingo du eta hau ikasle askotan gertatzen bada eskolako kalifikazioen batazbestekoak jaitsi egingo dira.

HEZKUNTZA GUZTIONTZAKO SISTEMAK GARATZEA

2008-12-29T19:15:00.000-08:00

Hausnarketa honetan Hezkuntza barne-hartzailearen gaia landuko dut batez ere. Aurkezten zaigun gai hau espezializatua da eta oso urrun geratzen zaigun gai bay dela esan daiteke. Ondoren, ideiarik aipagarrienak komentatuko ditugu noizean behin nire iritzi pertsonala tartekatuz.

Lehenik eta behin, Hezkuntza barne-hartzailearen gaia ukitzea gustatuko litzaidake. Hezkuntza barne-hartzailea “Guztiontzako Hezkuntza” bat dela esan daiteke. Mota honetako hezkuntzak aniztasuna aldarrikatzen du, jarrera baztertzaileari uko eginez. Hezkuntza honen helburua, ikasle guztien beharren arabera egituratzea da. Nire ustetan, eskoletan hezkuntza eredu honen premia ikusten dut, baina, guzti hau praktikara eramatea oso zaila ikusten dut. Hala ere, hezkuntza eredu hau eskoletan aplikatu daitekeelakoan nago horretan gogotsu jarriz gero.

Tokiko Hezkuntza Agintaritza (THA) ere aipatzekoa. Esan dezaket, kontzeptu edo ideia hau ulertzea asko kostatu zait. Hala ere, honi buruzko definizio bat ematekotan ondorengo hau esango nuke: Ingalaterrako erakunde bat da, zeinen helburuak “eskola maila hobetzea” eta “inklusioaren sustapena” diren. THAren eginkizuna ez da ikastetxeak kontrolatzea, baizik eta eskola maila hobetzeko zailtasunak dituztenei babesa ematea. Hala ere, eskola askok bikaintasuna dute helburu eta ondorioz ikastetxeen arteko lehiakortasuna sortzen da. Gaur egun, ikastetxe askoren artean ikusi daiteke aipatutako lehiakortasun hau, baina nire ustetan ez da batere onuragarria; izan ere, lehiakortasun honek ikasleak inplikatzen ditu, azkenean ikastetxe horietako ikasleen artean ere tira-birak eraginez.

GELAKIDEAK? (ESKEMA)

2008-12-27T16:11:00.000-08:00

 SARRERA
• Ikasleen barne-hartzea lortzeko ikasgelan
 Hezkuntza komunitatea eraikitzea ikasgelan
 Ikastetxeei lotuta dagoen sistema soziala
• 4 oinarri:
 Aniztasuna
 Ikaskuntza
 Soziala
 Laguntzazkoa
• Curriculuma garapen praktikoan dibertsifikatu egiten da
• Jarduera kooperatiboak: komunitate gisa

 IKASGELA, SISTEMA SOZIAL GISA
• Irakaslearen konpromisoa
• Hezkuntza bereziko baliabide eta profesionalak gehiago erabili
• Proportzio naturalak gorde
• Irakasleen artean loturak

 IKASGELA, ANIZTASUNAREN KOMUNITATE GISA
• Aniztasuna errealitate globala da
• Onartu Baloratu Goraipatu
• Ikasgelako aniztasuna balioetsi eta goraipatu
 Genero-diferentziak errespetatu eta aitortu
 Errespetua eta erlijio-diferentziak ezagutu
 Trebetasun- eta gaitasun-diferentziak errespetatu

• Ikasgela, guztiontzako ikaskuntza-erkidego bezala
 Ikasgelako jarduerak
- Gogoetatsuak
- Gizartean eragiten dutenak
- Eskura dituzten baliabide guztiak erabil ditzaten
- Kolektiboak eta solidarioak
 Guztientzako estrategiak eta multzokatzeak
Diez Gutierrez:
- Jarduera eta lanak garrantzitsuak
- Eskuragarriak
- Erabilgarriak
- Erakargarriak
- Esperimentalak
- Lagunduak
Gimeno eta Perez Gomez:
- Zeregin motak
- Lan-unitate egituratuak eta jarraitzeko errazak
- Gaien azterketan eta horien zati batean bereiztea
- Ikasle-azpitaldeen artean irakaslearen denboraren banaketa
- Talde txikitan lan egiteko ikasleen banaketa
- Curriculuma garatzeko bitarteko dibertsifikatuak
 Estrategiak
- Taldekatze malgua
- Metodo kooperatiboak

 IKASGELA LAGUNTZA KOMUNITATE GISA
• Lankide eta lagunen sistema
• Lagun taldea
• Ikaskideen arteko lankidetza taldeak
• Ikaskideen arteko laguntza batzordeak

 Guztientzako hezkuntzarako hainbat gako
• Barne hartzeko fokua zabaltzea
• Kanporatzea salatu
• Barne hartzearen ezagutzaren eraikuntzan laguntzea
• Kanporatzera bultzatzen duten indarren aurka jardun

GELAKIDEAK? (ONDORIOA)

2008-12-27T15:30:00.000-08:00

Azkenik, esan beharra dago, aipaturiko ideia guzti hauek bete edo konpondu ahal izateko, irakasle, zuzendari eta ikastetxeko langile guztiek ideiak argi izan behar dituztela, hau da, beraiek egon behar dira berdintasunaren alde, beraiek aniztasunaren alde eta horrela lortuko dugu bai eskoletan eta baita gaur egungo gizarteko egoera aldatzea.

GELAKIDEAK? GUZTIENTZAKO HEZIKETAREN GAKOAK IKASGELAN III

2008-12-26T12:08:00.000-08:00

Beste ideia bati helduz, irakasleen esku-hartzeak duen garrantzia ere aipagarria iruditzen zait. Irakasleen jokabideak umeengan zerikusi handia du. Horrela bada irakasleek modelo bat aurkezteko jarrera horrek, ez dio ikasle-talde gehiengoari mesederik egiten. Modelo hau modu askotara aurkezten zaigu eskoletan: noten arabera, itsura fisikoaren arabera, gaitasunen arabera... Irakasleak modelo hauen aipamena egitearekin, modelo hori jarraitzen ez duten ikasleengan eragin txarra lortzen du, ondorioz ikasle hauek beren burua gutxietsiz. Hala ere, modelo hauen aipamena curriculum ezkutuaren barnean sartzen dira nire aburuz; izan ere, irakasleak ez du nahita modelo bat goraipatzen, baina bai nahigabe. Adibidez, ikasle batek abeslari lirain baten argazkia gelara eramaten duenean irakasleak paretan itsasten uzten dionean nahigabe modelo bat transmititzen die ikasleei; baita, “a zer neska polita” baieztapena adieraztean.

Honez gain, minusbaliotasuna duten ikasleez hitz egitea ere egokia iruditzen zait; azken finean ezintasuna duten ikasleak dira baztertzen diren lehenengo pertsonak. Ikastetxe berdinean minusbaliotasun bera duten ikasle gehiegi egoteak hausnarketa honetan zehar eta artikuluan zehar behin eta berriro aipaturiko arazoa bultzatzen du; izan ere, ikasle guztiek ahalik eta ingurune arruntenean hezi eta elkarrekin bizitzea, eta aukera-berdintasunaren eskubideei uko egitea suposatzen du. Nire ustez, ezintasuna duten pertsonak, tratu berezia behar duten arren, ez dira ezintasunik ez duten ikasleengandik aparte egon behar, baizik eta hauekin batera, ikasle hauekin harremanak izateak asko lagunduko baitie. Beraz, ezinbestekoa ikusten dut, minusbaliotasuna pairatzen duten ikasleek, aparteko klase batean egon beharrean, ikasle ezberdinekin sozializatzeko aukera izatea.

Ikastetxeko testuinguruak ere zeresan handia du egiten ari naizen hausnarketa honetan. Izan ere, ikasgela bateko altzairuak oso garrantzitsuak dira, ikasle guztiak besteenganako berdintasuna senti dezaten. Adibidez, gurpildun aulki batekin dabilen ikasle batek ez ditu ateekin arazoak izan behar (estuegiak badira, alegia) ezta apaletara iristeko edo altuera batetik jaisteko arazoak ere. Beraz, nahiz eta eskola gutxitan suertatu, eskoletako instalazioa ikasleen beharrei egokituta egon behar da.

GELAKIDEAK? GUZTIENTZAKO HEZIKETAREN GAKOAK IKASGELAN II

2008-12-25T15:13:00.000-08:00

Hasteko izenburuak dioen bezala, guztientzako heziketari buruz mintzatuko naiz. Guztientzako heziketa hau honela definituko nuke nik hausnarketa sakon bat egin ondoren: pertsona ezberdinen artean aniztasuna positiboki ulertuz ematen den hezkuntza eredu bat.

Aipatzeko da Espainiako Hezkuntza Lege berriak (Hezkuntzako Kalitateko Lege Organikoa) hezkuntza-kalitatea bermatu nahi duela, ikasle-talde zehatzentzako hezkuntza-ibilbideak eta bide bereizgarriak ezarriz. Hezkuntza politiko honekin ikasleen arteko lehiakortasun batera iritsi gaitezke. Gaur egun, lehiakortasun hau garbi ikusi dezakegu hainbat eskolatan, baita gizartean bertan ere, noski.

Nire iritziz, guztiz desegokia da lehiakortasun hau eskoletan ematea, gainera eskolak berak bultzatua, eredu diskriminatorio baten bidez. Adibidez, gelako azkarrenetarikoa den haur bat, askoz motibatuago eta lanerako gogotsuago egongo da eredu lehiakor baten aurrean. Baina bestalde, horren azkarra ez den eta ikastea kostatzen zaion haur bat, desmotibatuago eta lanerako gogorik gabe sentituko da eredu lehiakorrean. Hala ere, eredu honek badu bere alde positiboa, ikasle askok lehiakortasun hori dela eta, ikasketetan gehiago saiatzeko joera dute.

Aurretik aipatutako lege berriaren eredu horri kontrajarriz, zorionez, hainbat gizarte talde (erakunde, mugimendu, ikastetxe, irakasle) guztientzako hezkuntza bat bilatzen duten hezkuntza-komunitate baten bila dabiltza. Komunitate honetan, eskolako partaide guztiek, kide izateko eskubidea dute, ikasle bakoitzaren ezaugarriak edozein direla ere. Bilatzen dutena, aniztasuna bultzatuko duen eredu bat da, sexismorik, arrazakeriariarik, diskriminaziorik eta lehiakortasun obsesiborik gabekoa hain zuzen ere. Nire ustez ezinbestekoa dugu gaur egun modu honetako eredu bat zabaltzea gure gizarte honetan, horrela eskolaren bidez gizarteko balore diskriminatzaileak pixkana desagertzea lortuko genuke. Izan ere jakin badakigunez, aipaturiko eredu negatibo horrek ondoriok txarrak besterik ez ditu ekartzen.

GELAKIDEAK? GUZTIENTZAKO HEZIKETAREN GAKOAK IKASGELAN

2008-12-23T16:12:00.000-08:00

Hasteko, izenburuan irakurri dugun bezala, guztiontzako heziketari buruz hitz egingo dugu. Guztiontzako heziketa hau pertsona ezberdinen artean aniztasuna positiboki ulertuz ematen den hezkuntza eredu bat da.

Angeles Parrilak dioen bezala, eskolan ikasle guztiek dute kide izateko eskubidea eta parte hartzea berdintasun gisa ikusten da. Berdintasunean guztiontzako heziketa bat emateak suposatzen du, ikasle guztiak hartu behar direla gelako ikaskide bezala inongo berezitasunik egin gabe, hots, ikasleen arteko desberdintasunak eta kanporatzeak ekiditu behar ditugu.

Nire ustez, berdintasuna kontutan izan behar dugun zerbait da, baina hala ere, argi izan behar dugu gizarte honetan denok garela desberdinak. Desberdintasun hau positibotzat hartu behar dugulakoan nago, bakoitzaren ezaugarri horiek positiboki hartu eta gure ikaskideei ezagutzera emanez. Denok ditugu gure akats eta ahuleziak, honekin esan nahi dugu inor ez dela perfektua eta ezin dugula inor baztertu.

Ikasgela aniztasunaren komunitate gisa ikustea garrantzitsua dela uste dut. Aniztasuna, arrazakeria, familia eredu desberdinak... zaindu eta goraipatzea beharrezkoa delako inor baztertua sentitu ez dadin. Ikasgela laguntzarako gunea izan behar da, baztertu beharrean sortu, eraiki egin eharko dugu toki hori laguntza espazio bat izan dadin.

Barne-hartzearen garrantzia azpimarratu behar da, baina eskolak bakarrik ez du garrantzia. Honekin esan nahi dudana zera da: garrantzitsuagoa dela ikasgela, egunerokotasuna... baina era berean aspektu hau zailena da. Ikastetxeko testuinguruak zeresan handia du aurretik aipatu dugun bezala. Ikasgela bateko altzairuak oso garrantzitsuak dira, ikasle guztiak besteenganako berdintasuna senti dezaten. Adibidez, gurpildun aulki batekin dabilen ikasle batek ez ditu ateekin arazoak izan behar, estuegiak badira alegia, ezta apaletara iristeko edo altuera batetik jaisteko arazoak ere. Beraz, nahiz eta eskola gutxitan suertatu, eskoletako instalazioa ikasleen beharrei egokituta egon behar da. esan beharra dago, ikasgela dela barne-hartzea eskuratzeko toki egokiena eta eraginkorrena.

Laburbilduz, diferentziak errespetatu behar ditugu aniztasunean murgiltzeko beharrak lortuz. Hortaz, berdintasun-printzipioak ezin ditu diferentziak alde batera utzi, ikasgelako aniztasuna kontuan hartu gabe. Horrez gain, aniztasunean murgiltzeko ikasleen inplikazioa eta konpromisoa garrantzitsuak dira. Gainera, gobernuak ere garrantzia izugarria dauka barne-hartze honetan. Gobernutik barne-hartzea bultzatzeko laguntza egon behar da, gaur egun eskoletan dagoen lehiakortasuna ekiditeko. Uste dugulako, eskoletako lehiakortasun hau guztiz desgokia dela, eredu diskriminatorio batera bultzatzen duelako.

DEFINIZIOA

2008-12-23T13:48:00.000-08:00

Hezkuntza pedagogikoa, pedagogia bere barne hartzen duen hezkuntza mota da. Pedagogiak fenomeno sozialak eta giza espezifikoak aztertzen dituen zientzia da. Hori dela eta, ezinbestekoa da heziketa zentro bateko ikasleek heziketa pedagogikoa ere jasotzea. Hala ere, oso garrantzitsua da hezkuntza mota hau behar bezala lantzea, bestela ondorio txarrak ekar ditzake.